Поликлиникаларда онлайн-терапевтлар барлыкка килерме?

Дәүләт Думасыннан бер төркем депутатлар, шул исәптән рәис урынбасары Владислав Даванков, поликлиникаларда онлайн-терапевт дигән яңа табиб вазыйфасы кертергә тәкъдим итә. Бу хакта хат Россия сәламәтлек саклау министры Михаил Мурашкога юллаган.

Депутатлар әйтүенчә, күп кенә мәсьәләләрне табибка барып тормыйча, онлайн хәл итеп була:

— дәвалауны кабат билгеләү яки үзгәртү,
— җиңелчә салкын тию (ОРВИ) очрагында киңәш алу,
— больничныйны озайту,
— белешмәләр һәм юлламалар алу.

Онлайн-консультация өчен кешеләргә эштән сорап китү дә кирәк булмаячак. Бу участок табибларына эшне җиңеләйтер һәм медицина ярдәмен һәркем өчен дә уңайлырак итәр иде, дип саный депутатлар.