#Кыскача яңалыклар 26 июнь 2026, 12:31

Путин Казандагы «Абилимпикс» катнашучыларына: «Сез бирешмәдегез, Ватанга файда китерергә омтыласыз»

26 июнь 2026, 12:31

Казанда махсус хәрби операция ветераннары өчен узучы «Абилимпикс» һөнәри осталык чемпионаты башланды.

Скопировать ссылку

Казанда махсус хәрби операция ветераннары өчен узучы «Абилимпикс» һөнәри осталык чемпионаты башланды.

Әлеге чарада катнашучыларга Россия Президенты Владимир Путин сәламләү сүзләрен юллады.

Дәүләт башлыгы ветераннарның ныклыгы һәм ихтыяр көче белән горурлануын белдерде. Аның сүзләренчә, авыр сынауларга һәм җәрәхәтләргә карамастан, катнашучылар бирешмәгән, яңа мөмкинлекләр эзли һәм җәмгыятькә, илгә файда китерергә омтыла.

«Абилимпикс» чемпионаты ветераннарга үз сәләтләрен күрсәтергә, яңа һөнәри күнекмәләр үзләштерергә һәм киләчәккә яңа максатлар куярга ярдәм итәчәк, дип билгеләп үтте Путин.

Президент шулай ук Казанда катнашучылар өчен бай программа әзерләнүен, гадел ярышлар һәм тәҗрибә уртаклашу өчен уңайлы шартлар тудырылуын ассызыклады. Мондый чаралар ветераннарга яңа мөмкинлекләр ачарга һәм алга таба үсәргә ярдәм итәчәк.

«Абилимпикс» Казанда 26 июньнән 1 июльгә кадәр дәвам итәчәк. Чемпионатта төрле һөнәри юнәлешләр буенча ярышларда катнашу өчен 600дән артык махсус хәрби операция ветераны гариза биргән.

Кызыклы яңалыкларны күзәтеп бару өчен безнең МАХ каналына кушылыгыз.

#«Абилимпикс» чемпионаты ##хәрбибатырлыкһәмхезмәтфидакарьлегеелы