#Кыскача яңалыклар 02 декабрь 2025, 09:33

Ринат Фәхретдинов көрәш карарга килә

02 декабрь 2025, 09:33

5-7 декабрьдә Казанның «Ак Барс» Көрәш сараенда көрәш буенча Россия Кубогы узачак. Ярышлар спорт сезонын тәмамлаый торган масштаблы вакыйга булачак. Чарага Россиянең иң яхшы спортчылары җыелыр дип көтелә.

Скопировать ссылку

Турнир кысаларында көрәшчеләр 10 авырлык категориясендә – 60 килограммнан алып 130 килограммнан артыграк үлчәү авырлыкларында көч сынашачак. Турнирда Россиянең 53 төбәгеннән 200дән артык спортчы, вәкил һәм хөкемдар катнаша.

Тантаналы чаралар һәм финал уеннары 6 декабрьдә 18:00 сәгатьтә «Ак Барс» Көрәш сараенда узачак. Ачылу тантанасында дәрәҗәле кунаклар катнашуы көтелә, алар арасында UFC спорт лигасында «Гладиатор» кушаматы белән танылган беренче татар көрәшчесе Ринат Фәхретдинов та бар. Ачылу тантанасын һәм финал көрәшләренең анонсын Россия тележурналисты, документаль фильмнар авторы һәм режиссер Николай Коровин алып барачак.

Чыганак: Татар-информ

Кызыклы яңалыкларны күзәтеп бару өчен безнең МАХ каналына кушылыгыз.