Россиядә БДИсыз гына югары уку йортларына керүнең яңа тәртибен раслаганнар

Федераль канунга бүген Россия Президенты Владимир Путин кул куйды. Үзгәрешләр «Мәгариф турында» гы законга кертелә, документ хокукый мәгълүматның рәсми порталында бастырылды.

Хәзер көллиятне тәмамлаучылар югары уку йортларына БДИ тапшырмыйча охшаш белгечлекләргә генә керә алачак. Әгәр көллияттә һәм югары уку йортында уку юнәлеше туры килә икән, керү сынаулары нигезендә укырга керү мөмкинлеге булачак. Юк икән, БДИ тапшырырга кирәк булачак.

Яңалыклар абитуриентларны әзерләү сыйфатын яхшыртачак, дип саный канун инициаторлары. Элегрәк законнарда югары уку йортына кергәндә белгечлекнең туры килүе турында төзәтмәләр юк иде. Законның элеккеге редакциясе нигезендә, урта һөнәри белемле теләсә кайсы абитуриентны кабул итү имтихан нәтиҗәләре буенча үткәрелде - аларның формасы һәм Исемлеге югары уку йорты тарафыннан билгеләнде.

Канун 2025 елның 1 сентябреннән үз көченә керә.