Россиядә яңа һөнәри бәйрәм булачак

Россиядә ел саен 5 ноябрьдә суд хезмәткәрләре көне билгеләп үтеләчәк. Бу хактагы карарны премьер-министр Михаил Мишустин имзалады.
«Һөнәри бәйрәм — суд хезмәткәрләре көнен билгеләргә һәм аны 5 ноябрьдә билгеләп үтәргә», — диелгән документта.

Бәйрәмне гамәлгә кую турындагы инициатива белән Россия Президенты Владимир Путинга элегрәк Югары суд рәисе Игорь Краснов мөрәҗәгать иткән иде. 5 ноябрь көне сайланды, чөнки аңа Петр Беренченең «суд формасы турында»указы чыгу туры китерелгән. Ул 1723 елда басылып чыккан һәм судлар тарафыннан эшләрне карау тәртибен билгели.