Россиядә күп балалы гаиләләр өчен бушлай парковкалар ясарга мөмкиннәр: тик нинди шартларда

Россиядә күп балалы гаиләләр өчен бушлай парковка барлыкка килергә мөмкин. Ул барлык түләүле парковкаларда бер автомобиль өчен бушлай урынны күздә тота. Тиешле закон проектын Леонид Слуцкий җитәкчелегендәге ЛДПРдан депутатлар әзерләгән. ТАСС танышкан Документ хөкүмәткә җибәрелгән.

"Без Мәскәү һәм Санкт-Петербургның яхшы тәҗрибәсен күрәбез, анда күп балалы гражданнар шәһәрдәге парковка урыннарын бер сум да түләмичә куллана ала, ләкин, кызганычка каршы, илнең күпчелек субъектларында мондый ташламалар юк... Әгәр без чыннан да гаилә институтын ныгытырга телибез икән, вәзгыятьне үзгәртергә кирәк", - дип белдергән Слуцкий. Сер түгел, күп балалы гаиләләр балалар киеменә, ашауга, укуга, шулай ук фатир өчен түләүгә һәм юл йөрүгә зур акчалар сарыф итәргә мәҗбүр.