#Кыскача яңалыклар 24 февраль 2026, 09:25

Россиялеләр ана капиталының калган өлешен ирекле рәвештә куллана алачак

24 февраль 2026, 09:25

Россиялеләр ана капиталы сертификатында 10 мең сум яки аннан да азрак акча калган очракта, аны бер мәртәбә бирелә торган түләү рәвешендә ала һәм теләсә нинди максатка сарыф итә алачак.

Скопировать ссылку

Бу хакта РИА Новости хәбәр итә.

Социаль фонд мәгълүматларына караганда, тиешле гаризаны Социаль фонд аша, «Госуслуги» порталы ярдәмендә бирергә мөмкин. Гаризаны бары тик сертификат хуҗасы гына рәсмиләштерә ала.

Гариза хупланганнан соң, калган сумма тулысынча заявкада күрсәтелгән счетка бер түләү белән күчерелә. Әгәр ана капиталының калган өлеше 10 мең сумнан артып китсә, акчаны элеккечә билгеләнгән юнәлешләр буенча гына кулланырга мөмкин.

Билгеле булганча, Татарстанда «Гаилә» илкүләм проекты гамәлгә ашырыла.

Кызыклы яңалыкларны күзәтеп бару өчен безнең МАХ каналына кушылыгыз.