Россиянең телевидение һәм радиотапшырулар челтәре 25 еллыгын билгеләп үтә

РТРЧ 2001 елда оештырылган һәм бүген илнең бердәм телерадиотапшырулар инфраструктурасын тәэмин итә. Предприятие 140 меңнән артык торак пунктта яшәүчеләргә 20 телеканал һәм өч радиостанцияне бушлай кабул итү мөмкинлеген бирә.

Татарстан Республикасы радиотелетапшырулар үзәге 2009 елдан РТРЧның филиалы булып тора. Республика филиалы халыкның 99,3 процентын цифрлы күпканаллы телерадиотапшырулар белән тәэмин итә. Аның составында 87 тапшыру станциясе эшли.

Татарстанда цифрлы телевидение үсешенә дә зур игътибар бирелә. 2012 елда Казанда Россиядә беренче тапкыр DVB-T2 стандартында цифрлы телевидение трансляциясе башланды. 2024–2025 елларда республикадагы беренче мультиплекстагы 87 телетапшыргычның барысы да яңартылды.

Филиал объектлары шулай ук мобиль элемтә, интернет һәм гадәттән тыш хәлләр турында халыкка хәбәр итү системаларында кулланыла.

Юбилей уңаеннан РТРЧның Татарстан филиалы коллективы телерадиотапшыруларны үстерүгә керткән өлеше өчен Татарстан Рәисе Рөстәм Миңнехановның Рәхмәт хатына лаек булды.