#Кыскача яңалыклар 07 май 2025, 12:18

Рөстәм Миңнеханов ясалма фәһем ярдәмендә әтисенең абыйсын – сугыш ветеранын «кочты»

07 май 2025, 12:18

Татарстан Рәисе Рөстәм Миңнеханов социаль челтәрләрдә ясалма фәһем ярдәмендә төшерелгән видео белән уртаклашты. Роликта ул әтисенең абыйсын – Бөек Ватан сугышында катнашкан Галимҗан абыйны «кочаклый».

Скопировать ссылку

«Илебезнең төп бәйрәме - Җиңү көне якынлаша. Шунысы кызганыч, ветераннарның саны елдан-ел кими бара. Ә безнең һәркайсыбызның, үз Героен кысып кочаклап, аңа рәхмәт әйтәсе килә», - дип язган республика лидеры. Ул билгеләп үткәнчә, заманча технологияләр, хәтта герой янәшәбездә булмаса да, моны виртуаль рәвештә эшләргә мөмкинлек бирә.

Быел Россиядә Бөек Ватан сугышында Җиңүнең 80 еллыгы билгеләп үтелә. Шулай ук РФ Президенты Владимир Путин карары белән 2025 ел Ватанны саклаучылар елы дип игълан ителде. Күптән түгел ТР Рәисе Рөстәм Миңнеханов сугыш ветераннарына бүләкләр тапшырды. Ул Россиянең бүгенге казанышларында аларның һәркайсының зур өлеше булуын билгеләп үтте.

Чыганак: Татар-информ

Кызыклы яңалыкларны күзәтеп бару өчен безнең МАХ каналына кушылыгыз.