Рөстәм Миңнеханов Владимир Путиннан котлау алды

Россия Президенты Владимир Путин Татарстан Рәисе Рөстәм Миңнехановка Россия көне уңаеннан котлау юллады. Дәүләт башлыгы үз мөрәҗәгатендә Ватанның бөек тарихы һәм халкыбызның зур казанышлары белән горурлануын билгеләп үтә.

«Ата-бабаларыбыз васыятьләренә тугрылык, Ватанга мәхәббәт, аның киләчәге өчен җаваплылык бүген безне рухландыра, бергәләп сынауларны җиңәргә, куелган максатларга ирешергә ярдәм итә», - диелә котлауда.

Владимир Путин Рөстәм Миңнехановка уңышлар теләгән.