Сәламәтлек саклау министрлыгы сирәк авырулар исемлеген киңәйтте: 3 яңа диагноз өстәлде

Документ нигезендә, хәзерге исемлеккә барлыгы 303 авыру керә.

Исемлеккә өч яңа диагноз өстәлгән:

🔺 Десмоид тибындагы фиброматоз — тоташтыргыч тукымада сирәк очрый торган яхшы шеш формалашу белән характерлана.
🔺 Беренчел эритромелалгия — очлыкларда кискен авырту, кызару һәм температура күтәрелү өянәкләре белән билгеләнә торган сирәк авыру.
🔺 Шааф-Янг синдромы — нерв системасы үсешенә йогынты ясаучы сирәк генетик тайпылыш.

Министрлыкта билгеләп үтүләренчә, исемлекне киңәйтү орфан авыруларны вакытында ачыклауны яхшыртуга һәм кирәкле препаратларны теркәү процессын җиңеләйтүгә юнәлдерелгән.

Белгечләр фикеренчә, мондый яңартулар сирәк авырулар белән көрәштә диагностика мөмкинлекләрен киңәйтәчәк һәм пациентларга ярдәм күрсәтүне тизләтәчәк.