«СалаваTik»лар Яңа елга яңа җыр тәкъдим иттеләр

Бүген интернетта аларның Зөләйха Камалова сүзләренә язган, Таңсылу Мостафина көенә «Әлли-бәлли, нәни чыршы»иҗырының видеосы чыкты.

«Ел саен бәйрәмгә «СалаваTik»лар белән ел саен әкияти тамаша һәм җырлы күчтәнәч әзерлибез. Быел да  В.И.Ленин исемендәге мәдәни-ял итү комплексында ике көн балаларгат бик матур  татарча матур тамаша  үткәрдек. Салаватик студиясенә  йөрүче балалар да  сәхнәдә чыгыш ясап үз осталыкларын күрсәтә алды. Шунысы куанычлы, татарча бәйрәмгә иҗтыяҗ елдан-ел арта, бәйрәмгә дип махсус әби-бабайлар, әти-әниләр дә гаиләләре белән бергә җыелып килә, рәхәтләнеп балаларга куышлып җырлып-биеп рухи ризык алып кайта. Хәтта, Ясминә белән Сафия  махсус «СалаваTik»лар белән күрешү өчен Төмәннән үк килделәр. Республикабыздан читтә яшәсәләр дә, «СалаваTik»ларның һәр яңа җырын түземсезлек белән көтеп алалар икән. Ана телен саклауда безнең проектыбыз күп кенә әти-әниләргә ярдәмче булуы безне куандыра. Ә инде яңа җырга килгәндә, чынлап  та ел саен Яңа ел алдыннан шушы темага туры китереп җыр сайлыйбыз. Быел яшь авторлар иҗат иткән яңа җырга тукталырга булдык.  Яңа видео сабыйларыбызга ошар дип өметләнәбез. 2026 нчы елда да яңа татарча җырлар белән милләтебезнең киләчәге – балаларны  куандырырга язссын. Яңа еллар мөбарәк булсын, дуслар!». – ди «СалаваTik»лар проекты җитәкчесе Зилә Фәйзуллина.