Шәле - Баулы трассасын Бөгелмәгә кадәр озайтырга уйлыйлар

Бөгелмә администрациясе Шәле - Баулы трассасын шәһәргә кадәр озайту мөмкинлеген карый. Мэр Дамир Фәттахов үзенең телеграм-каналында хәбәр иткәнчә, хәзерге вакытта бу мәсьәлә Татарстан транспорт министрлыгы белән берлектә карала.

Муниципалитет башлыгы билгеләп үткәнчә, районның төп бурычларыннан берсе-җәмәгать һәм шәһәр яны транспортын үстерү. Спикер маршрут челтәрен актуальләштерү, машина йөртүчеләрнең хезмәт хакларын арттыру һәм пассажир ташуларны тотрыклы финанс белән тәэмин итү зарурлыгын ассызыклады. Шулай ук республика транспорт министрлыгы белән җирле аэропортны үстерү перспективалары турында да фикер алышалар.

Искәртәбез, Алексеевск - Әлмәт трассасының Шәле - Баулы магистраленә керә торган участогы 2024 елның декабрендә ачылган һәм 2025 елның март ахырыннан түләүле булган. 145 километр озынлыктагы юл концессия килешүе буенча төзелгән, ул аны 2121 елга кадәр түләүле нигездә файдалануны күздә тота. Бу маршрут «Европа - Көнбатыш Кытай»халыкара коридорының бер өлеше булып тора.