Салымнан алып белемгә кадәр: Татарстанда хәрбиләр гаиләләренә ярдәм киңәя

2026 елның 1 апреленә 3 082 гә җитте. Бу хакта Татарстан Юстиция министрлыгы матбугат хезмәтендә хәбәр иттеләр.

Ведомство махсус хәрби операциядә катнашучыларга һәм аларның гаилә әгъзаларына ярдәм чараларын билгеләү буенча кабул ителә торган муниципаль актларны исәпкә алып кына калмый, аларны эшләүдә һәм камилләштерүдә методик ярдәм дә күрсәтә.

«Әгәр 2022 ел ахырында без 1 360 ярдәм чарасын теркәгән булсак, бүген алар инде өч меңнән артык. Бу безнең республика өчен Ватанны саклаучылар турында кайгыртуның никадәр мөһим булуын ачык күрсәтә», - дип билгеләп үтте Татарстан Республикасы юстиция министры урынбасары Мөхәррәм Ибәтов.

«Бу ярдәм тормышның барлык төп өлкәләренә: салым ташламаларыннан алып балаларга белем бирүгә һәм психологик ярдәмгә кадәр  кагыла», - ди министр урынбасары.

Муниципаль регистрга ярдәмнең 16 төре турында белешмәләр кертелгән, алар арасында гражданнарның үзара салым акчаларын түләүдән азат ителү, җир салымы һәм физик затларның мөлкәтенә салым буенча ташламалар киң таралган.

Республикада махсус хәрби операциядә катнашучыларның балаларына ярдәм итүгә аерым игътибар бирелә. Моңа мәктәпләрдә түләүсез туклану, балалар бакчалары өчен түләүдән азат итү, лагерьларга юлламалар алу һәм мәгариф учреждениеләренә чиратсыз керү өстенлекле хокукы керә.

Юстиция министры урынбасары сүзләренә караганда, махсус хәрби операциядә катнашучыларга иң күп ярдәм төрләрен Алабуга һәм Менделеевск районнарында тәкъдим итәләр, биредә унбер төрле ташлама һәм ярдәм программалары бар. Казанда, Актаныш, Әлмәт һәм Кайбыч районнарында хәрбиләрнең гаиләләре ярдәмнең ун төреннән файдалана ала.

Ярдәм чаралары турындагы барлык мәгълүмат гражданнар өчен Россия Юстиция министрлыгының Татарстан Республикасы буенча идарәсе сайтында ачык.

Билгеле булганча, «Пилотсыз авиация системалары» илкүләм проекты гамәлгә ашырыла.