#Кыскача яңалыклар 19 февраль 2026, 11:13

Сәрия Сабурская: “Гражданнарның безгә ышаныч дәрәҗәсе арта бара”

19 февраль 2026, 11:13

Җиденче чакырылыш Татарстан Дәүләт Советының унсигезенче утырышында Татарстанда Кеше хокуклары буенча вәкаләтле вәкил Сәрия Сабурская белдергәнчә, хисап елында алар 8 401 мөрәҗәгать кабул иткән.

Скопировать ссылку

“Гражданнарның безгә ышаныч дәрәҗәсе арта баруын билгеләп үтәм: кешеләр шикаятьләр белән генә түгел, катлаулы тормыш мәсьәләләрен хәл итүдә дә ярдәм сорап ешрак мөрәҗәгать итә башладылар. Безнең эшнең нәтиҗәлелеге саннар белән раслана: барлык мөрәҗәгатьләрнең 70 проценттан артыгы уңай хәл ителгән, - диде ул. - Әлбәттә, мондый нәтиҗәләр профильле министрлыклар, ведомстволар һәм депутатлар корпусының актив ярдәменнән башка мөмкин булмас иде”.

Кызыклы яңалыкларны күзәтеп бару өчен безнең МАХ каналына кушылыгыз.