Табиб салкын тигәндә тозлы суның файдасын аңлатты

Белгеч Эдинбург университеты галимнәренең салкын тию дәверендә тозлы суның кеше организмына ничек тәэсир итүен өйрәнгәнлеген сөйләгән. Тикшерүләр барышында авыз куышлыгын һәм борынны тозлы су эремәсе белән чайкаткан кешеләр башкаларга караганда ике көнгә алдарак савыккан. Ивашков сүзләренчә, эремәне мөстәкыйль әзерләргә дә була. Моның өчен бер стакан җылы суга бер чәй кашыгы тоз салып болгатырга һәм шуның белән тамакны чайкатырга икән.  

Табиб шулай ук температура вакытында юынырга ярамый дигән сүзләр чынбарлыкка туры килүен дә белдерә. “Әгәр дә без температура вакытында душка керсәк, 39 градус температуралы кешегә гадәти су салкын булып тоелырга мөмкин. Кайнар суда юуну организмның җылынуына китерәчәк”, - ди табиб. Тән температурасы кирәгеннән артык югары күтәрелгәндә, кешене көзән җыерырга да мөмкин. Температура булганда мунчада юыну гомумән рөхсәт ителми. Бу вакытта күбрәк сыеклык эчәргә кирәк. Тик шулай да өйдә салкын булмаса, артык җылы булмаган суда тиз генә чайканып чыгарга була. Шунысын истән чыгармагыз, авырганда үз белдегең белән дәваланырга ярамый.