Татар ашлары турындагы китап дөньяда иң яхшысы дип танылган

Бу хакта ул үзенең телеграм-каналында язган.
- Безнең өчпочмаклар-дөньядагы иң тәмле ризык! — дигән Миңнеханов, - Татарстанга килегез! Бездә тәмле.

Кулинария турында язучы һәм телевидениедә алып баручы Сталик Ханкишиевның ««Земля, душа и еда татар» китабы Эр-Риядта узган 30 нчы Халыкара International Gourmand Awards юбилей конкурсында дөньяда иң яхшы кулинария китабы дип танылган.

Татар халык ашлары үзенчәлекләрен һәм традицияләрен чагылдырган басма Татарстан Республикасы Хөкүмәте заказы буенча республика Премьер-министры урынбасары Ләйлә Фазлыева ярдәмендә булдырылган.

— Әлбәттә, татар ашлары белән бәйле басмалар күп, әмма һәрвакыт ниндидер яңа, үзенчәлекле басма табасы килә. Бу китап республика тормышында шундый вакыйга булды, — дип билгеләп үткән вице-премьер.

Басма авторы үз чиратында билгеләп үткәнчә, халыкара конкурста бу җиңү — гомуми уңыш.