Татарстан абитуриентлары өчен мөһим үзгәреш: 2027 елдан 43 юнәлешкә тарих мәҗбүри БДИ булачак

Бу хакта РФ Фән һәм югары белем министры Валерий Фальков хәбәр итте.

Хәзерге вакытта, 2025 елда, тарих имтиханы нибары алты белгечлек өчен генә мәҗбүри булып санала. Тагын 23 программада ул сайлап алу мөмкинлеге белән тәкъдим ителә: абитуриентлар аны җәмгыять белеме белән алыштыра ала.

2026 елдан тарих таләп ителә торган юнәлешләр саны тагын 20гә артачак. Әмма әлегә бу очракта да ул альтернатив имтихан булып кала.

Россия Президенты ярдәмчесе Владимир Мединский сүзләренчә, киләчәктә тарих фәне җәмгыять белеме буенча сорауларны да үз эченә алачак. «Вакыт узу белән тарих һәм җәмгыять белеме зур өлешчә уртак предметка әйләнәчәк», — дип белдергән ул.

Белгечләр аңлатуынча, мәҗбүри имтиханнарны этаплап кертү мәктәп укучыларына яңа таләпләргә җайлашу мөмкинлеге бирәчәк. Бу, шул исәптән, Татарстан абитуриентларына да 2027 елга кадәр әзерлек планнарын үзгәртергә ярдәм итәчәк.

Билгеле булганча, Татарстанда «Яшьләр һәм балалар» илкүләм проекты гамәлгә ашырыла.