16+
#Кыскача яңалыклар 10 сентябрь 2025, 11:06
1453
0
0

Татарстан яман шеш белән көрәштә җиңәрме?

10 сентябрь 2025, 11:06
1453
0
0

Татарстанга 2026 һәм 2027 елларда яман шеш чирләре белән көрәшкә 330 миллион сум бүлеп бирәчәкләр.

Скопировать ссылку

Татарстанга 2026 һәм 2027 елларда яман шеш чирләре белән көрәшкә 330 миллион сум бүлеп бирәчәкләр.

«Онкологик авырулар белән көрәш» федераль проекты кысаларында республика иң күләмле субсидияләрнең  берсенә ия булачак. Татарстанга караганда күбрәк акчаны Чиләбе өлкәсе һәм Хабаровск крае гына алачак. 

Федераль бюджеттан бирелгән акчалар медицина оешмалары карамагындагы структураларда медицина эшләнмәләрен һәм җиһазларын модернизацияләүгә, яңа хастаханәләрне радиологик ысуллар ярдәмендә тикшерү һәм дәвалау җиһазалары белән тәэмин итүгә, гамәлдәге медицина учреждениеләрен өстәмә җиһазландыруга юнәлдерелергә мөмкин. 

Шул рәвешле, киләсе елда Татарстанга онкология авыруларына каршы көрәшкә – 210,4 млн, 2027 елда – 119,7 млн сум бүлеп биреләчәк. Шул ук вакытта иң күп акчаны Чиләбе өлкәсенә (452,8 миллион) һәм Хабаровск краена (ике ел эчендә төбәк 414 миллион алачак) күчерәчәкләр. Шулай ук Воронеж өлкәсе 300 миллионнан артык акча алачак. 

Барыннан да азрак субсидияне 2026 елда Карелия (48,6 миллион), Түбән Новгород өлкәсе (67,7 миллион), Курск өлкәсе (69,8 млн) алачак. 
Исегезгә төшерәбез, 2024 елда Татарстанда 19 452 яңа яман шеш авыруы ачыкланган, бу 2023 ел белән чагыштырганда 7,2 процентка күбрәк. Үлемгә китергән сәбәпләр арасында яман шеш, кан әйләнеше авыруларыннан гына калышып, 2 нче урында тора.

Кызыклы яңалыкларны күзәтеп бару өчен безнең МАХ каналына кушылыгыз. 

Вход на сайт

Восстановить пароль Зарегистрироваться

Язмага реакция белдерегез

0

0

0

0

0

Реакция язылган инде

Комментарийлар

Теркәлергә

Мөһим

loading

Безнең Вконтакте төркеменә языл!

Подписаться