Татарстан Рәисе Рөстәм Миңнеханов «Белем. Беренчеләр» марафонында катнашучыларны сәламләде

Сәламләүне Татарстан Яшьләр эшләре министры Ринат Садыйков укыды. «Бүген без сезнең белән киләчәк буыннар өчен тынычлык һәм азатлык саклаган ата-бабаларыбызның батырлыкларын искә алабыз. Бу марафон белем бирү мәйданчыгы гына түгел, ул тарихка кагылу, аның дәресләрен аңлау һәм Совет халкының батырлыгы һәм ныклыгы үрнәгеннән илһам алу мөмкинлеге. Бу безнең республикада тарихи дөреслекне саклауга юнәлдерелгән тагын бер зур вакыйга», - дип ассызыклаган Рөстәм Миңнеханов үз мөрәҗәгатендә.

Татарстан Республикасы Рәисе фикеренчә, яшьләрнең дәүләтнең беренче затлары, танылган мәдәният, фән, сәнгать һәм спорт эшлеклеләре, махсус хәрби операциядә катнашучылар һәм ветераннар белән ачык диалоглары марафонга аеруча зур әһәмият бирә.

«Федераль коллегаларга ышанычлары өчен рәхмәт белдерәбез — Казан бөтен ил буенча сигез мәйданчыкның берсе булды. «Белем. Беренчеләре» марафонында катнашу сезнең өчен яңа идеяләр, илһам чыганагы һәм үз-үзегезне үстерүгә этәргеч булачагына ышанам», - дип билгеләп үтте Миңнеханов.

Чыганак: Татар-информ