Татарстан Рәисе Рөстәм Миңнеханов Петербург халыкара икътисади форумында чыгыш ясады

Татарстан беренче тапкыр рейтингта Мәскәү белән беррәттән беренче урынны алды. Моңа кадәр республика 2017 елдан икенче урында иде.

«Сергей Семенович, синең янәшәңдә минем өчен зур дәрәҗә (рейтингның беренче урынында булу). Әйдәгез Сергей Семеновичны котлыйк», - диде Миңнеханов Мәскәү мэры Сергей Собянин турында.

ТР Рәисе федераль үзәккә, РФ Президенты Владимир Путинга һәм хөкүмәткә рәхмәт сүзләреннән башлады.

«Барлык кыенлыкларга карамастан, федераль ярдәмнең барлык чараларыннан файдаланабыз. Икенчедән, бездә дә ярдәм итү буенча зур эш эшләнде. Иң мөһиме - барлык бу рейтингларны без алабыз, бик яхшы анализлыйбыз һәм безнең резервларны күрәбез. Стратегик инициативалар агентлыгына бу эше өчен зур рәхмәт. Чыннан да, бу бик җентекле эш, һәм бу безнең өчен вәзгыятьне төзәтергә этәргеч булып тора», – диде Татарстан Рәисе.