“Татарстан Рәисе укытучыларның абруен күтәрергә кирәклегенә басым ясады”

Татарстан Рәисе Дәүләт Советына Юлламасында балаларны һәм яшьләрне тәрбияләү һәм аларга ярдәм итү мәсьәләсенә зур игътибар бирде, дип билгеләп үтте Татарстанның «Алдынгылар хәрәкәте» балалар һәм яшьләр гомумроссия иҗтимагый дәүләт хәрәкәтенең төбәк бүлеге советы җитәкчесе Тимур Сөләйманов, Юлламага карата үзенең фикерен белдереп.

– Рөстәм Миңнеханов бүгенге көнгә 300 меңгә якын баланы һәм республика остазларын берләштергән Беренчеләр хәрәкәтен үстерүдә педагогларның һәм ата-аналар җәмәгатьчелегенең ролен билгеләп үтте. Татарстанда бу эшне без балалар бакчасыннан башлап алып барабыз һәм ата-аналарны да җәлеп итәбез. Бу безнең традицион кыйммәтләребезне, мәдәни кодны һәм буыннар элемтәсен саклау мәсьәләсе. Рөстәм Нургалиевич безнең уртак максатыбыз – укытучыларның абруен күтәрергә кирәклегенә аерым басым ясады. Әлеге эшне методик, оештыру, мәгълүмати яктан тагын да көчәйтәчәкбез, – диде ул.