Татарстан токсикологы: БАДларны контрольсез куллану бавырны зарарларга мөмкин

Аның сүзләренчә, биологик актив өстәмәләр, шул исәптән үлән төнәтмәләре һәм читтән кертелгән препаратлар, бавырга җитди зыян китерергә мөмкин.

Белгеч мисал итеп кара тимин нигезендәге препаратлар белән агулану очракларын китерде. Бу өстәмәләрне май яки капсула рәвешендә кулланган кайбер пациентларда бавырның җитди зарарлануы күзәтелгән.

Токсиколог билгеләп үткәнчә, БАДлар аеруча хроник авырулары булган кешеләр өчен куркыныч тудырырга мөмкин. Метаболизм бозылу, диабет, симерү, атеросклероз кебек авырулар булганда, аларны табиб киңәшеннән башка кабул итәргә ярамый.

Белгеч БАДларны бары тик ышанычлы сәүдә нокталарыннан сатып алырга, составын игътибар белән өйрәнергә һәм кулланыр алдыннан табиб белән киңәшләшергә чакырды.