Татарстан халкы хәрбиләргә 10 тоннага якын гуманитар ярдәм җибәргән

Татарстан халкы махсус хәрби операция зонасына җибәрү өчен 10 тоннага якын гуманитар ярдәм җыйган. 

"Татарстанда БПЛА аерым батальоны хәрбиләре өчен ярдәм җыю оештырылды. Анда Казан шәһәренең волонтерлары һәм битараф булмаган кешеләр катнашты. Кыска гына вакыт эчендә 10 тонна гуманитар ярдәм җыеп алынды", - дип хәбәр итә Халык фронты.

Йөк составына 20 тартма медикамент, квадроцикл, 10 рация, өч тонна азык-төлек, 30 маскировка челтәре кергән.

"Гуманитар йөккә автомобильләр өчен запас частьләр, җылы кием, дару препаратлары, кирәкле җиһазлар кергән - барысы да хәрбиләрәнең сораулары буенча җыелган. "Барысы да җиңү өчен!" дип аталган акция кысаларында чираттагы гуманитар йөк партиясе җибәрелде, - дип сөйләгән Татарстанда Халык фронты башкарма комитеты җитәкчесе Ринат Фазылов.