#Кыскача яңалыклар 07 сентябрь 2026, 13:16

Татарстан халкын 8 сентябрьдә көчле җил һәм яңгыр турында кисәттеләр

07 сентябрь 2026, 13:16

8 сентябрьдә Татарстанда һава торышы бозылуы көтелә. Республикада урыны белән көчле яңгыр, томан һәм яшен булырга мөмкин, ә җилнең тизлеге секундына 18 метрга кадәр җитәчәк.

Скопировать ссылку

Белгечләр һәм коткаручылар начар һава шартларында сак булырга киңәш итә. Көчле яңгыр вакытында су баскан юл һәм участоклар аша үтәргә тырышмаска, шулай ук җир асты кичүләренә һәм башка тирәнәйтелгән урыннарга төшмәскә кирәк.

Җил көчәйгән вакытта агачлар, реклама конструкцияләре һәм электр линияләре янында булудан сакланырга киңәш ителә.

Ашыгыч ярдәм кирәк булган очракта Татарстан халкына 112 бердәм номерына шалтыратырга кирәк.

Кызыклы яңалыкларны күзәтеп бару өчен безнең МАХ каналына кушылыгыз.