Татарстанда 107 мең гаилә балаларга бердәм пособие алды

Бу түләүләргә Россиянең социаль фонды 15 млрд сумга якын акча бүлеп биргән. Бу хакта Татарстан Социаль Фонды бүлегендә хәбәр иттеләр.

Пособие ата-аналарның яки опекуннарның берсенә бирелә һәм гаилә кеременә бәйле. Түләү алу өчен кешегә айлык керем төбәкара яшәү минимумыннан артмаска тиеш, ә хезмәткә сәләтле гаилә әгъзаларының кереме кимендә 4 хезмәт өчен түләүнең минималь күләме (МРОТ) булырга тиеш. Шулай ук гариза бирүче һәм балаларның Россия гражданнары булуы һәм илдә даими яшәве мөһим.

Пособие күләме бер балага яшәү минимумының 50-100% до тәшкил итә, быел ул 14 621 сум тәшкил итә. Шулай итеп, гаиләләр аена 7 310,5 сумнан 14 621 сумга кадәр акча алу хокукына ия. Пособие бер елга билгеләнә һәм гариза буенча озайтылырга мөмкин.

- Социаль фонд пособиеләр билгеләү турындагы гаризаларны мөмкин кадәр тизрәк карарга омтыла. Карар барлык кирәкле мәгълүматлар һәм документлар килгәннән соң 10 эш көне эчендә чыгарыла, - дип билгеләп үтте фондның Татарстандагы бүлеге идарәчесе Эдуард Вафин.