#Кыскача яңалыклар 29 декабрь 2025, 15:11

Татарстанда 7 млрд сумга яңа подшипник заводы ачылачак

29 декабрь 2025, 15:11

Аппарат киңәшмәсендә Чаллы мэры Наил Мәһдиев яңа сәнәгать проектын эшләтеп җибәрү турында хәбәр иткән.

Скопировать ссылку

Аппарат киңәшмәсендә Чаллы мэры Наил Мәһдиев яңа сәнәгать проектын эшләтеп җибәрү турында хәбәр иткән.

Бу хакта «Татар Информ» агентлыгы хәбәр итә.

Россиянең иң эре сәнәгать предприятиеләренең берсе-ТЭМПО Чаллы холдинг компаниясе. Ул икътисадның төрле тармаклары өчен продукция җитештерүче җиде мөстәкыйль заводны берләштерә. Компания үзен югары профессиональ командалы ышанычлы җитештерүче буларак күрсәтте.

Киләсе эре проект 7 миллиард сумлык яңа подшипник заводы ачылачак. Проект кысаларында 800 яңа эш урыны булдыру планлаштырыла. Хәзер җиһазларны кайтару һәм көйләү бара, ә сынау эшләнмәләрен җитештерү һәм сынау 2026 елның өченче кварталына планлаштырылган.

Мэр сүзләренчә, Чаллы предприятиеләре федераль бюджеттан акча җәлеп итү буенча үсеш институтлары белән актив эшләвен дәвам итә. Әйтик, быел Сәнәгатьне үстерү Фонды тарафыннан 6,5 млрд сумлык алты проект хупланган. Тагын дүрт проект карауда.

Кызыклы яңалыкларны күзәтеп бару өчен Т елеграмга кушылыгыз.