Татарстанда 3 меңнән артык гаилә социаль ипотека буенча торакларын яхшырткан

Шул исәптән 280 гаилә – 2025 елда. Бу хакта ТР Дәүләт торак фонды матбугат хезмәте хәбәр итә.

Фатир алучылар саны буенча биш ел эчендә республиканың Казан (2041 гаилә), Чаллы (447 гаилә) һәм Түбән Кама (282 гаилә) шәһәрләре алда бара.

Программада катнашучыларга фатирлар «кер дә яшә» принцибы буенча бирелә: аларда барлык кирәкле сантехника, счетчиклар, датчиклар урнаштырылган. Социаль ипотеканың өстәмә өстенлеге булып квадрат метрның бәясе тора, ул базар бәясеннән шактый түбәнрәк.

Гаиләләргә торак шартларын яхшыртуда ярдәм күрсәтү - «Гаилә» милли проектының төп бурычларының берсе.

Социаль ипотека Дәүләт торак фонды тарафыннан 28,5 елга кадәр еллык 7% белән бирелә, бала туганда (уллыкка алынганда) 200 мең сум күләмендә түләүсез компенсация каралган. Аны беренчел взнос буларак кулланырга яки квадрат метр фатир сатып алуга юнәлтергә мөмкин.

Яшь гаиләләр өчен социаль ипотека программасы ир белән хатынның берсенә 36 яшьтән кечерәк булган гаиләләргә юнәлдерелгән. Анда бер ата-ана бер яки берничә бала тәрбияли торган тулы булмаган гаиләләр дә катнаша ала.

Программада катнашучыларга карата таләпләр түбәндәгечә::

– мөрәҗәгать итүче Татарстанда теркәлергә тиеш, шул ук вакытта бюджет өлкәсендә эшләү мәҗбүри түгел;

– гаиләнең һәр әгъзасына 18 кв.метрдан кимрәк торак туры килергә тиеш;

– гаиләнең һәр әгъзасына айлык керем күләме минималь яшәү минимумыннан артыграк булырга тиеш;

– гаиләнең федераль һәм республика программалары кысаларында алынган, шул исәптән ябылмаган максатчан акчалата ипотекасы да түләнмәгән булырга тиеш түгел.