Татарстанда «Абилимпикс» чемпионаты узды: 2 меңнән артык катнашучы һөнәри осталыкта ярышты

Быел Казан икенче тапкыр әлеге масштаблы чараны кабул итә. Чемпионатта 2 меңнән артык кеше катнаша, алар арасында 1 меңнән артык конкурсант һәм эксперт бар. Катнашучылар 21 компетенция буенча үз осталыкларын күрсәтә.

Рөстәм Миңнеханов ярыш мәйданчыкларын карады, катнашучылар һәм экспертлар белән аралашты. Ул пешекче эше, челтәр һәм системалы администрирование, БПЛА операторы, электромонтаж, автомобиль ремонты һәм башка юнәлешләрдәге конкурс эшләре белән танышты.

Татарстан Рәисе билгеләп үткәнчә, мондый проектлар махсус хәрби операция ветераннарына яңа һөнәр үзләштерергә, җәмгыятькә җайлашырга һәм профессиональ үсеш алырга ярдәм итә.

Чемпионат кысаларында шулай ук һөнәри белем алу, реабилитация, эшкә урнашу һәм социаль ярдәм мәсьәләләре буенча консультацияләр бирүче күргәзмә эшли.