“Татарстанда җәй”: каникулда кая барырга?

Мәдәният министры урынбасары Дамир Натфуллин билгеләп үткәнчә, җәйнең өч аенда да һәр шимбә һәм якшәмбе республика районнарында төрле фестивальләр узачак. 

Казан Кремле музее “Татарстанда җәй” проекты өчен аерым программа әзерләгән. Алар арасында 140тан артык чара: милли биюләр буенча мастер-класслар, спектакль һәм перформанслар, музыкаль программалар бар. 

12 июньдә – Бөгелмә районында «Һөнәрче Бөгелмә» халыкара традицион һөнәрләр фестивале.  
15 июньдә – Тәтеш районында мордва бәйрәме «Валда Шинясь».
21 июньдә – Казан сабан туе.

29 июньдә – Нурлатта чуваш халкының «Уяв» бәйрәме.
28 июньдә – Балтач районында удмурт мәдәниятенең «Гырон быдтон» бәйрәме.
28 июньдә – Югары Ослан районында “Уйна, гармун, Соболевскоеда!” халык иҗаты фестивале. 
28 июньдә – Ютазы районында «Кумыс бәйрәме» төбәкара фестивале. 
5 июльдә – Яшел Үзәндә славян мәдәниятенең «Иван Купала» республика бәйрәме.
12 июльдә – Азнакайда «Чатыр тау» җыены.

10-13 июльдә Алабуга шәһәрендә openair форматында «Алабугада җәйге кичләр» музыка фестивале оештырыла. Анда теләгән һәр кем бушка концерт программасы карый ала. 

19 июльдә – Питрәчтә «Скорлупино» фестивале. 
19 июльдә – Мамадышта “Питрау” бәйрәме.
2 августта – Арчада “Арча читекләре” фестивале. 
19 августта – Кама Тамагында “Красновидовада алма спассы”.

23 августта – Балык Бистәсендә “Бистә шәле” фестивале. 
29 августта – Апаста «Гармун моңы – йөрәк җыры» гармунчылар фестивале. 
30 августта – Кама Тамагында “Идел – Кама” балык тоту чемпионаты һәм “Уха” фестивале. 
Болардан тыш ачык һавада Татарстан кинолары күрсәтеләчәк. Режиссерлар һәм актерлар белән очрашулар үткәреләчәк.