#Кыскача яңалыклар 13 октябрь 2025, 14:42

Татарстанда аномаль салкын кыш көтелә

13 октябрь 2025, 14:42

«Газпром» идарәсе рәисе Алексей Миллер Петербург халыкара газ форумында һава торышы турында мөһим кисәтү белән чыгыш ясаган.

Скопировать ссылку

Аның сүзләренчә, Россиянең Европа өлеше территориясендә, шул исәптән Татарстанны да кертеп, аномаль салкын көтелә.
Миллер ассызыклаганча, компания көн саен һава шартларын күзәтә һәм бик күп климат карталарын анализлый. Булган мәгълүматларга караганда, һәр ун ел саен төбәктә салкын кыш күзәтелә, ә һәр егерме ел саен – аномаль салкын.

Фаразларга караганда, кыш көне температура Мурманск өлкәсеннән Краснодар краена кадәрге территориядә -25 градуска кадәр төшәргә мөмкин. Соңгы 100-150 елгы климат мәгълүматларына анализ күрсәткәнчә, экстремаль салкын кыш җитү алдагы кышкы сезон температурасына бәйле түгел.

Кызыклы яңалыкларны күзәтеп бару өчен безнең МАХ каналына кушылыгыз.