Татарстанда авыл стажы өчен өстәмә пенсия кемнәргә тиешле

«Татар-информ» бу хакта хәбәр итә.

2019 елдан авылда яшәүче, рәсми эшкә урнашмаган һәм кимендә 30 ел авыл стажы тупланган кешеләр пенсияләренә махсус өстәмә түләүгә исәп тота ала. Аның күләме теркәлгән пенсия түләвенең 25 процентын тәшкил итә, бу 2025 елда 2 226,93 сумга тигез.

Шул ук вакытта пенсионер шәһәргә күченгәннән соң да, әгәр ул эшсез кала икән, өстәмә түләү исәпләнүен дәвам итә. Әмма шәһәр җирендә хезмәт стажы алган, аннары авыл җирлегенә күчкән кешеләр мондый өстәмәгә дәгъва итә алмыйлар инде.

Авыл стажына Россия территориясендә, шулай ук элеккеге СССР территориясендә 1992 елның 1 гыйнварына кадәр агросәнәгать комплексы оешмаларында эшләү чоры кертелә.

Әлеге өстәмә түләүгә хокук бирә торган авыл һөнәрләре исемлегендә 500дән артык белгечлек бар. Алар арасында-механизаторлар, агротехниканы ремонтлау буенча белгечләр, агрономнар, ветеринария табиблары, балык үрчетүчеләр һәм башкалар.