#Кыскача яңалыклар 25 ноябрь 2025, 14:28

Татарстанда БДИ-2025 буенча 100-баллчыларга 25 мең сумга кадәр түләячәкләр

25 ноябрь 2025, 14:28

Бер һәм ике фәннән БДИ өчен 100әр балл җыйган Татарстан мәктәпләрен тәмамлаучылар бер мәртәбә бирелә торган түләүләр ала алачак.

Скопировать ссылку

ТР Министрлар Кабинетының тиешле карарын республика премьер-министры Алексей Песошин имзалады.

Әйтик, БДИ буенча 100 баллы укучылар бер предмет өчен 15 мең сум алачак, ә ике предмет өчен 100әр балл җыйганнар — 25 мең. Быел Татарстанда 313 йөз балл җыючы бар, шуларның 13е ике фән буенча 200 балл җыйды. Химия һәм рус теленнән иң яхшы нәтиҗәләр күрсәттеләр.

Җәй көне ТР Мәгариф һәм фән министры Илсур Һадиуллин хәбәр иткәнчә, төбәктә быел 15,2 мең укучы БДИ тапшырган. Барлык фәннәр буенча нәтиҗәләр гомумроссия күрсәткечләреннән артып китте. Мәсәлән, Татарстанда әдәбият буенча уртача балл 74 тәшкил итте, бу тулаем Россиядәгедән 12 баллга югарырак. Җәмгыять белеме һәм география буенча иң түбән нәтиҗәләр күзәтелде-60 баллдан түбән.

Шул ук вакытта 234 укучы БДИның минималь бусагасын үтә алмаган. 149 чыгарылыш сыйныф укучысы химиядән, 78 — тарихтан, 7 — әдәбият буенча имтиханны тапшыра алмаган.

Исегезгә төшерәбез, узган ел БДИ буенча йөз балл җыючылар өчен түләүләр 15 меңнән 35 мең сумга кадәр тәшкил иткән. Чыгарылыш укучыларының өч предмет буенча максималь балл өчен 35 мең алу мөмкинлеге бар иде.

Кызыклы яңалыкларны күзәтеп бару өчен безнең МАХ каналына кушылыгыз.