Татарстанда БПЛА янаулары аркасында стационар телефоннарга ихтыяҗ арткан

Агымдагы елның июненнән Татарстанда теркәлгән телефониягә һәм чыбыклы интернетка ихтыяҗ арту күзәтелә. Бу хакта «Челнинские известия» хәбәр итә.

Сәбәпләрнең берсе булып мобиль элемтәне чикләү очракларының ешаюы тора. Татарстанда кулланыла торган куркынычсызлык чаралары кысаларында 4G челтәрләрендә мәгълүматларны тапшыру тизлеге 2G дәрәҗәсенә кадәр кимегән, дип билгеләделәр компаниядә.

Әйтик, июньдә "Таттелеком" стационар телефониясенә ихтыяҗ 2024 елның шул ук чоры белән чагыштырганда ике тапкырга арткан.
Июньдә өй интернетын тоташтыруга гаризалар күләме узган елның июнь ае белән чагыштырганда 50% ка арткан. Югары ихтыяҗ 2025 елның июлендә дә саклана, дип ачыклык керткәннәр «Таттелеком»да.

Яңа тоташуларның төп үсеше Казан, Чаллы, Түбән Кама территорияләрендә күзәтелгән.  Элек 3G/4G роутерларыннан файдаланган ТР шәһәр яны торак пунктларында яшәүчеләр дә ешрак мөрәҗәгать итә башлаган.

Физик затлардан да, бизнес өлкәсе вәкилләреннән дә гаризалар саны арткан. Әлеге хәлләр кәрәзле элемтә базарында элек күзәтелгән вәзгыятькә туры килми. Традицион телефониягә ихтыяҗ тарихи рәвештә кими. Әйтик, 2024 елда айга өзүләр саны уртача бер цифрлы диапазонда торган. Ә 2025 елның беренче яртысында өй телефониясе хезмәтләреннән баш тартулар саны кимү теркәлгән. Хезмәттән баш тартуга гаризаларның минималь саны буенча июнь ае лидер булган, дип хәбәр иттеләр компаниядә.