Татарстанда буран, юеш кар, бозлавык һәм 1 градуска кадәр җылы булуы көтелә

27 февраль, җомга көнне, республикада кар явуы көтелә. Төнлә һәм иртән кайбер районнарда томан төшүе ихтимал. Төнлә һава температурасы минус 6–11 градус тәшкил итәчәк, аязганда минус 15 градуска кадәр төшәргә мөмкин. Көндез исә – 2 –7 градус булачак.

Шимбә көнне дә вакыт-вакыт кар явачак, урыны белән буран чыгуы ихтимал. Төнлә температура минус 4–9 градус, көнчыгыш районнарда минус 12 градуска кадәр җитәчәк. Көндез минус 1–6 градус көтелә.

1 март, якшәмбе көнне, җепшек кар явуы фаразлана. Төнлә минус 2–7 градус булачак, аязганда көнчыгышта минус 10 градуска кадәр салкынаерга мөмкин. Көндез һава температурасы минус 4 градустан плюс 1 градуска кадәр күтәреләчәк. Юлларда кар боткасы һәм бозлавык көтелә.

Дүшәмбе көнне дә һава температурасы плюс 1 градуска кадәр җылыначак.

Искәртеп узыйк, февраль башыннан бирле республикада кар көн саен диярлек ява. Ай уртасында гына да Казанда ике айлык явым-төшем нормасына якын кар яуды. Бу транспорт хәрәкәтендә һәм коммуналь хезмәтләр эшендә кыенлыклар тудырды.

Билгеле булганча, Татарстанда «Эффектив транспорт системасы» илкүләм проекты гамәлгә ашырыла.