Татарстанда эш атнасы нибары ике эш көненнән тора

Татарстан халкы өчен эш атнасы 2025 елда иң кыскаларының берсе булачак, чөнки ул бары тик ике эш көненнән - 5 һәм 7 ноябрьдән тора.
Татарстан Хезмәт, халыкны эш белән тәэмин итү һәм социаль яклау министрлыгы аңлатканча, Халыклар бердәмлеге көнен бәйрәм итүгә бәйле өч көнлек ял итүдән тыш, 6 ноябрь - Татарстан Конституциясе көне дә ял көне булып тора.

"Татарстан Республикасының бәйрәм көннәре һәм истәлекле даталары турында" Татарстан Республикасы Законы нигезендә 6 ноябрь - Татарстан Республикасы Конституциясе көне эшләми торган бәйрәм көне булып санала. Шул рәвешле, 2, 3, 4 һәм 6 ноябрь - ял көннәре", - диелә хәбәрдә.

Шул ук вакытта Хезмәт министрлыгы искә төшергәнчә, 5 ноябрьдә эш көне озынлыгы РФ Хезмәт кодексы нигезендә бер сәгатькә кыскара.