Татарстанда ялларда гына да фермерлар 282 млн сумлык авыл хуҗалыгы продукциясен саткан

Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

"Ярминкәләргә 296 тонна яшелчә, шул исәптән 184 тонна бәрәңге, шулай ук 55,2 тонна сөт, 78,3 тонна шикәр, 532,3 мең данә тавык йомыркасы, 301,5 тонна ит китерелде. Ярминкәләр уздыру өчен 2,7 мең берәмлектән артык транспорт җәлеп ителгән", - диелә хәбәрдә.

Республикада ярминкәләр Казанның 14 мәйданчыгында, Чаллы һәм Яшел Үзән районының ике мәйданчыгында, Түбән Кама районының өч мәйданчыгында һәм төрле ешлык белән башка муниципалитетларда уза.

Татарстанда язгы авыл хуҗалыгы ярминкәләре 14 мартта ачылды, аларның эше 26 апрельгә кадәр дәвам итәчәк.

Чара авыл хуҗалыгын үстерүгә һәм регионның азык-төлек иминлеген яхшыртуга ярдәм итә, бу «нәтиҗәле һәм конкурентлы икътисад» илкүләм проектының максатларына һәм бурычларына туры килә.