Татарстанда яшәүче күп балалы гаилә җир урынына түләү алачак һәм ремонт ясаячак

«Түләү мөмкинлеге турында без почта аша алынган хаттан белдек. Анда безгә килеп, участок сайларга кирәк диелгән. Хатта шулай ук акчалата компенсация алу мөмкинлеге турында мәгълүмат күрсәтелгән иде», – дип сөйләгән Светлана Валерьевна «Татар Информ» агентлыгына.

Гаилә участокка чиратта 2022 елдан бирле тора. Гәрәевлар җирне шулай ук Чаллыдан ерак түгел алырга теләгәннәр.

"Сайтны ачтык, тәкъдим ителгән җир кишәрлекләрен карадык. Ләкин алар барысы да  Чаллыдан сәгать ярым чамасы ераклыкта иде. Бу безгә яраклы түгел, һәм без акчалата компенсация рәсмиләштерергә булдык", - дигән күп балалы әни.

Түләүне рәсмиләштерү турында карарны Светлана һәм аның ире бертавыштан кабул иткән. Ир белән хатын дәүләт ярдәме чараларыннан ничек файдаланачакларын хәл иткәннәр инде.

«Акчаны фатирны ремонтлауга тотарбыз һәм балаларга компьютер сатып алырбыз», – дигән Светлана Валерьевна.