Татарстанда инвалидларны реабилитацияләүгә күпме акча бүленәчәге турында билгеле булды

Бу турыда ТР Финанс министрлыгы матбугат хезмәте хәбәр итә.

Эшләр “Уңайлы мохит” дәүләт программасы кысаларында алып барыла һәм гражданнарның җәмгыять тормышына тулы интеграциясен тәэмин итүгә юнәлдерелгән.

Комплекслы якын килү медицина, социаль, психологик, педагогик һәм һөнәри ярдәмне үз эченә ала. Әлеге максатларны тормышка ашыру өчен 2026 елга бюджетта 52,9 млн сумнан артык акча каралган. Финанслау федераль һәм республика бюджетлары белән берлектә тәэмин ителә: федераль өлеш – 54%, республика өлеше – 46%.