Татарстанда кайсы тармакларда эшләү куркыныч?

Бу турыда Татарстан Республикасы Хезмәт, мәшгульлек һәм социаль яклау министры Эльмира Зарипова матбугат конференциясендә искәртеп узды.

Эльмира Зарипова шулай ук сәнагать өлкәсендә куркыныч өлкәләрне атады. Беренче урынга җитештерү тармагы (барлык җәрәхәтләрнең 40 процент), транспорт һәм саклау предприятияләре, электр җитештерү (җәрәхәтләрнең 20 проценты) чыга.

Еш кына җәрәхәтләнү очраклары биеклектән егылып төшү, һәм агулы матдәләр тәэсирендә килеп чыга.

Бәхетсезлек очракларының төп сәбәпләре исә түбәндәгечә:

• технологик процессны бозу;

• шәхси яклау чараларыннан кулланмау яисә алар белән тәэмин ителмәү;

• хезмәт дисциплинасын бозу;

• план буенча ремонт срокларын үтәмәү;

• төзек булмаган җиһазлар белән эшләү;

• җиһазларны һәм инструментларны дөрес файдаланмау;

• бина, корылма, территорияләрне карап тоту тиешле дәрәҗәдә булмау.