#Кыскача яңалыклар 24 июль 2026, 15:15

Татарстанда мобиль поликлиникалар 22 меңнән артык кешене тикшергән

24 июль 2026, 15:15

Татарстанның ерак районнарында эшләүче мобиль поликлиникалар бүгенге көнгә 22 меңнән артык кешегә медицина тикшерүе уздырган.

Скопировать ссылку

Бу хакта ТР сәламәтлек саклау министры Альмир Абашев социаль челтәрләрдә хәбәр итте.

Мобиль медицина комплекслары республиканың 27 районында булып, халыкка профилактик ярдәм күрсәткән. Тикшерү нәтиҗәләре буенча, пациентларның 13 процентында авырулар беренче тапкыр ачыкланган.

Министр мәгълүматларына караганда, һәр өченче кеше өстәмә тикшерүгә җибәрелгән, ә 3,5 процент пациентка стационарда дәвалану кирәк булган.

Хәзерге вакытта биш мобиль поликлиника Татарстанның ерак районнарында эшен дәвам итә. Биредә белгечләр диспансерлаштыру һәм профилактик тикшерүләр үткәрә.

Медицина ярдәме «Озын һәм актив тормыш» илкүләм проекты кысаларында да күрсәтелә. Халыкны Республика клиник хастаханәсе, Төбәкара клиник-диагностика үзәге, Казанның 7нче шәһәр хастаханәсе, Чаллының 5нче шәһәр хастаханәсе һәм Әлмәт районы күп профильле хастаханәсе табиблары кабул итә.

Кызыклы яңалыкларны күзәтеп бару өчен безнең МАХ каналына кушылыгыз.