Татарстанда нибары 60 Бөек Ватан сугышы ветераны калган

Бу хакта ТР Хөкүмәте Йортында узган брифингта Эльмира Зарипова хәбәр итте.

Чара «Татарстан Республикасында хәрби һәм хезмәт батырлыгы елын үткәрү турында»гы мәсьәләгә багышланды һәм республиканың барлык муниципаль районнары белән видеоконференция режимында узды.

Тыл ветераннары һәм ташламалар

Министр сүзләренчә, бүген республикада:

5,6 меңгә якын тыл хезмәтчәне,

78 балигъ булмаган элекке тоткын яши.

2025 елда Рөстәм Миңнеханов йөкләмәсе нигезендә 8 837 ветеранга республика бюджетыннан өстәмә матди ярдәм һәм азык-төлек җыелмалары тапшырылган. Сугышта катнашкан 146 кешегә «Почетный житель» исеме бирелгән.

Кереме 23 мең сумнан артмаган хезмәт ветераннарына айлык акчалата түләү (656 сум), торак-коммуналь хезмәтләр өчен 50% субсидия, бушлай протезлар, социаль йөрү билеты һәм транспорт ташламалары каралган.

Брифингта шулай ук махсус хәрби операциядә катнашучыларны эшкә урнаштыру мәсьәләсе күтәрелде. Бүген Татарстанда 545 эш бирүче алар өчен 3 меңнән артык эш урыны тәкъдим итәргә әзер.

«Кадрлар» илкүләм проекты кысаларында республикада 7 меңнән артык кешене укыту планлаштырыла. Узган ел МХОдә 56 катнашучы белем алган һәм барысы да эшкә урнаштырылган. Моннан тыш, үз эшен башларга теләүчеләргә 145 мең сум күләмендә бер тапкыр бирелә торган субсидия каралган.

Билгеле булганча, «Яшәү өчен инфраструктура» илкүләм проекты гамәлгә ашырыла.