Татарстанда татар телендә эшләүче иң яхшы педагогны билгеләячәкләр

Чара балалар белән эшләгәндә татар телен актив кулланучы мәктәпкәчә белем бирү учреждениеләренең рус телле педагоглары тәҗрибәсен таратуга һәм аларга ярдәм итүгә юнәлдерелгән. Тиешле документ хәзер коррупциягә каршы экспертиза уза.

Конкурс берничә этапта узачак. Балалар бакчаларындагы этап 22 сентябрьдән 16 октябрьгә кадәр, муниципаль этап 17 октябрьдән 10 ноябрьгә кадәр үткәрү планлаштырылган. Финал 5 декабрьдә Арча педагогика көллияте базасында узачак. 

«Мин һәм минем тәрбияләнүчеләрем татарча сөйләшәбез» дигән видеоролик тәкъдим итәргә кирәк, анда педагоглар дәресләрнең, уеннарның һәм бәйрәм үткәрүләренең өлешләрен Татарстанның дәүләт телендә күрсәтәчәкләр. Көндезге финалда катнашучыларны эш тәҗрибәсе, балалар белән татар телендә уеннар уздыру һәм «ирекле микрофон» иҗади чыгышы көтә.

Конкурс турындагы нигезләмәдә билгеләп үтелгәнчә, аның төп бурычларның берсе - педагогларның иҗади инициативасын үстерү, аларның татар телен, мәдәниятен һәм гореф-гадәтләрен үзләштерүгә сәләтләрен күрсәтү өчен шартлар тудыру.

Җиңүчеләр һәм призерлар республика мәгариф һәм фән министрлыгының дипломнары һәм истәлекле бүләкләре белән бүләкләнәчәк. Финалга чыгучыларның барысы да катнашучылар сертификатын алачак.

Конкурс «Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү»дәүләт программасы кысаларында үткәрелә.