#Кыскача яңалыклар 27 октябрь 2025, 11:23

Татарстанлылар кайда ял итәргә ярата?

27 октябрь 2025, 11:23

2026-2027 елларга Татарстанда туризм тармагының максаты-чит ил туристлар агымын арттыру һәм Азия илләреннән сәяхәтчеләрнең игътибарын җәлеп итү.

Скопировать ссылку

Бу хакта «Татар-информ» баш мөхәррире Ринат Билаловка «12 кат» проектында ТР Туризм буенча Дәүләт комитеты рәисе Сергей Иванов сөйләгән.

«2026-2027 елларга безнең өчен максат-чит ил базарларында активлашу. Беренче чиратта бу якын Көнчыгыш, ягъни Персия култыгы илләре. Безнең Дубай белән авиаэлемтәбез урнаштырылган, декабрьдә Абу-Дабидан самолетлар оча башлаячак. Әлбәттә, безгә Согуд Гарәбстаныннан, Катар һәм Оманнан рейслар кирәк. Бу бер кешегә елына берничә сәфәр туры килә торган дәүләтләр. Кешеләр актив сәяхәт итә, безнең өчен бу бик яхшы базар», – дигән әңгәмәдәш.

Татарстан өчен төп чит ил туристлык базарлары булып Кытай, Фарсы култыгы илләре һәм Һиндстан кала бирә.

«Әгәр Кытай өчен визасыз режим эшли башласа, аннан туристлар агымы берничә тапкырга артачак», - дип ышана Иванов.

Кызыклы яңалыкларны күзәтеп бару өчен безнең МАХ каналына кушылыгыз.