#Кыскача яңалыклар 02 март 2026, 11:11

Татарстанлыларны кисәтәләр: язын талпаннар иртәрәк активлашырга мөмкин

02 март 2026, 11:11

Роспотребнадзорның ТР буенча идарәсе җитәкчесе урынбасары Любовь Авдонина фаразлавынча, быел Татарстанда иксод талпаннары гадәттәгедән иртәрәк активлашачак һәм аларның саны да күп булырга мөмкин.

Скопировать ссылку

Белгеч фаразынча, яз җылы килсә, талпаннар апрель аенда ук активлаша башларга мөмкин. Гадәттә алар +1…+5 градус җылылыкта «уяна», ә һава температурасы +10 градуска җиткәч, актив фазага күчә һәм кеше өчен аеруча куркынычка әверелә.

Шуңа бәйле рәвештә, төбәк хезмәтләре паркларны һәм ял итү зоналарын гадәттәгедән иртәрәк эшкәртә башларга мөмкин.

Любовь Авдонина талпан боррелиозы, ягъни лайм авыруы белән йоктыру куркынычы югары булуын искәртә. Белгечләр кар эреп бетү белән үк табигатькә чыкканда репеллентлар кулланырга, ябык кием сайларга һәм табигатьтән йөреп кайткач тәнне игътибар белән тикшерергә киңәш итә.

Билгеле булганча, «Яшәү өчен инфраструктура» илкүләм проекты гамәлгә ашырыла.

Кызыклы яңалыкларны күзәтеп бару өчен безнең МАХ каналына кушылыгыз.