Татарстанның бер районында бер бала балалар бакчасыннан качкан

Бу язма авторы сүзләренчә, сабый берүзе яңгыр астында урамда йөргән.

Әлеге факт буенча Түбән Кама районы администрациясендә тикшерү уздырганнар. Әлеге хәл мәктәпкәчә учреждение хезмәткәрләренең ваемсызлыгы аркасында килеп чыккан.

«Бу хәлгә катнашы булган барлык затлардан аңлатма алынган, аларга карата дисциплинар җәза чыгарылачак. Баланың гаиләсеннән гафу үтенделәр. Балалар бакчасы җитәкчесенә карата административ карар кабул ителәчәк»,-дип хәбәр итә "Татар-информ".