Татарстанның бер районында Идел Болгары чорына караган сирәк көмеш амулетлар табылган

Бу хакта ТР мәдәни мирасны саклау комитетының телеграм-каналында хәбәр ителә.

Табылдыклар ике сантиметр зурлыгындагы зур булмаган көмештән ясалган тартмалардан гыйбарәт.

Амулетлар филигрань, ягъни Урта гасыр осталарына хас нечкә техника кулланылып эшләнгән. Мондый эшләнмәләр бик сирәк очрый: элегрәк берничә охшаш эш кенә табылган – икесе Биләр шәһәрлеге территориясендә һәм тагын берсе Пенза өлкәсенең Золотарево шәһәрлеге районында.