Татарстанның дүрт районында су басулар теркәлгән

Бу хакта Гадәттән тыш хәлләр министрлыгының республика буенча Баш идарәсе хәбәр итә.

Мәгълүматларга караганда, Әлки, Арча, Теләче һәм Буа районнарында грунт юллар һәм өч йорт яны кишәрлеге су астында калган.

Хәзерге вакытта торак пунктларга турыдан-туры куркыныч янамый. Эвакуацияләү кирәклеге юк, тормышны тәэмин итү системалары гадәти режимда эшләвен дәвам итә.

Хокук саклау һәм ашыгыч хезмәтләр вәзгыятьне контрольдә тота.

Билгеле булганча, «Экологик иминлек» илкүләм проекты гамәлгә ашырыла.