Татарстанның яшь эшмәкәрләре өчен менә дигән мөмкинлек: «Безнекен булдыр» конкурсы старт алды!

Быел җиңүчеләр саны 100 кешегә кадәр арттырылды, һәм һәркайсы үз бизнесын үстерү өчен 1 миллион сум грант алачак!

Моннан тыш, җиңүчеләргә КУЭ Корпорациясе акселераторында катнашу мөмкинлеге дә бирелә — бу исә проектны яңа дәрәҗәгә күтәрү өчен зур адым.

Кемнәр катнаша ала?

Конкурс ике категориядә үтә:

«Бизнессыз Яшьләр» — эш башларга теләүчеләр өчен;

«Өч яшькә кадәр Бизнес» — инде эшләп килгән яшь компанияләр өчен.

Катнашу өчен МСП.РФ платформасында теркәлү кирәк. Аннан соң конкурсантлар бушлай укыту үтәчәк һәм үз проектларын әзерләячәк.

Нәтиҗәләр — Мәскәүдә

Конкурс нәтиҗәләре май аенда Мәскәүдә игълан ителәчәк. Узган ел Татарстан гаризалар саны буенча Россиядә өченче урынны алды, һәм республикадан ике проект 1 миллион сумлык грантка ия булды.

⏳ Гаризалар 2026 елның 10 мартына кадәр кабул ителә.

Әгәр синең идеяң бар икән — аны тормышка ашырырга вакыт җитте! 🚀