#Кыскача яңалыклар 25 ноябрь 2025, 09:20

Татарстанның яшь укытучыларына айлык өстәмә күләмне дүрт тапкырга арттырдылар

25 ноябрь 2025, 09:20

Татарстанда мәгариф өлкәсендә яшь белгечләр өчен айлык стимуллаштыручы өстәмә арттырылды.

Скопировать ссылку

Татарстанда мәгариф өлкәсендә яшь белгечләр өчен айлык стимуллаштыручы өстәмә арттырылды.

Хәзер ул 10 000 сум тәшкил итәчәк, бу элеккеге 2510 сумнан дүрт тапкырга диярлек күбрәк. Бу хакта ТР Мәгариф һәм фән министрлыгы хәбәр итә.

Тиешле карарга Татарстан Республикасы премьер-министры Алексей Песошин кул куйган. Бу карар төбәктәге яшь укытучыларга һәм мөгаллимнәргә өстәмә ярдәм күрсәтүгә юнәлдерелгән.

Элеккечә үк, түләү уку йөкләнеше күләменә һәм фактта эшләнгән вакытка пропорциональ рәвештә исәпләнәчәк. Алучылар даирәсенең киңәюе мөһим үзгәреш булган: хәзер алар исәбенә һөнәри белем бирү учреждениеләренең яшь педагоглары, ягъни көллият һәм техникум укытучылары да кертелгән.

Кызыклы яңалыкларны күзәтеп бару өчен безнең МАХ каналына кушылыгыз.